...................... .................

گھر میں قرنطینہ کیے ہوئے کم کارڈیشین نے شوہر سے طلاق لے لی؟

امریکی ماڈل، اداکارہ اور بزنس وومن کم کارڈیشین ویسٹ اور ان کے شوہر امریکی ریپر کینیا ویسٹ اس وقت لاس اینجلس میں اپنے گھر میں قرنطینہ کیے ہوئے ہیں۔

تاہم ایسی رپورٹس سامنے آرہی ہیں کہ اس دوران ان دونوں کے درمیان تعلقات اس حد تک کشیدہ ہوگئے ہیں کہ انہوں نے اپنے گھر کے دو الگ الگ حصوں میں رہنا شروع کردیا۔

دی بلاسٹ کی رپورٹ کے مطابق ایسی رپورٹس سامنے آنے کے بعد ان کے مداحوں میں یہ چھ مگوئیاں ہیں کہ جوڑے میں شاید علیحدگی ہی نہ ہوجائے۔

ان دنوں سامنے آئی رپورٹس کے مطابق کم اور کینیا کے درمیان بچوں کو لے کر اور گھر کی ذمہ داریوں کی وجہ سے بہت زیادہ جھگڑے ہورہے ہیں۔

رپورٹس میں مزید بتایا گیا کہ کم کو عموماً گھر میں رہنے کی عادت نہیں جس کی وجہ سے وہ اس دوران کافی غصے میں رہتی ہیں، جبکہ بچوں کے ساتھ زیادہ وقت گزارنے کے بعد انہیں شوہر سے بھی بےحد شکایات ہیں کہ وہ بچوں کا ٹھیک سے خیال نہیں رکھتے۔

اور یہی وجہ ہے کہ دونوں نے الگ الگ کمروں میں رہنے کا فیصلہ کرلیا ہے۔

رپورٹ میں مزید دعویٰ کیا گیا کہ کینیا ویسٹ اپنے کسی برانڈ کو بہت زیادہ وقت دے رہے ہیں جس کی وجہ سے کم ان سے ناراض ہیں کیون کہ وہ ان کے چاروں بچوں 6 سالہ نارتھ، 4 سالہ سینٹ، 2 سالہ شیکاگو اور 11 ماہ کے سالم کی دیکھ بھال میں بالکل مدد نہیں کررہے۔

یو ایس ویکلی کی رپورٹ کے مطابق قرنطینہ کے دوران ان دونوں کے درمیان بہت زیادہ جھگڑے ہورہے ہیں اور کینیا ویسٹ کم کو غصہ دلا رہے ہیں۔

جوڑے کی جانب سے اس حوالے سے کوئی بیان سامنے نہیں آیا۔

البتہ اس دوران کم اپنے سوشل میڈیا اکاؤنٹس پر ایسی کئی تصاویر جاری کررہی ہیں جن میں وہ مختصر لباس میں موجود ہیں، رپورٹس کے مطابق کینیا کو سوشل میڈیا پر ایسی تصاویر شیئر کرنا پسند نہیں جن میں کم مختصر لباس میں موجود ہوں اور اس وجہ سے بھی ان کے درمیان کشیدگی کی رپورٹس نے جنم لینا شروع کردیا۔

خیال رہے کہ کم کارڈیشین ماڈلنگ کے ساتھ ساتھ قانون کی تعلیم بھی حاصل کررہی ہیں۔

کم کارڈیشین نے سال 2000 میں 19 سال کی عمر میں میوزک پروڈیوسر ڈومن تھومس کے ساتھ شادی کی تھی، تاہم 2003 میں ان دونوں کی طلاق ہوگئی۔

بعدازاں 2011 میں اداکارہ نے امریکی باسکٹ بال کھلاڑی کرس ہمپرائز سے شادی کی لیکن 2 سال بعد ان کی یہ شادی بھی ختم ہوگئی۔

2012 میں کم کی ملاقات اپنے شوہر کینیا ویسٹ سے ہوئی، جس کے بعد ان کے درمیان تعلقات استوار ہوئے، ان دونوں نے 2014 میں شادی کرلی تھی۔

ان کے 4 بچوں میں سے دو بچوں کی پیدائش سروگیسی کے ذریعے ہوئی۔

جواب لکھیں

%d bloggers like this: