...................... .................

پالتو بلی نے شادی شدہ جوڑے کو چور بنا دیا

ایک پالتو بلی کے باعث شادی شدہ جوڑے پر چوری کا الزام عائد کر دیا گیا۔
آپ نے اکثر لوگوں کے منہ سے کسی پر بھی چوری کا الزام لگاتے سنا ہوگا کہ فلاں چور ہے فلاں نہیں، لیکن کبھی کبھی پالتو بلی کے باعث غلط فہمی کے نتیجے میں کسی پر بھی چوری کا الزام عائد ہوسکتا ہے۔
جی ہاں، ایسی ہی صورت حال کا سامنا اسکاٹ لینڈ کے علاقے پرسٹن پنس میں پیش آیا جہاں ایک شادی شدہ جوڑے پر بلی کی مالکن نے چوری کا الزام دھر دیا۔
غیر ملکی خبررساں ادارے کے مطابق ماجرا یہ تھا کہ اسکاٹ لینڈ کے ایک شادی شدہ جوڑے کو ان کے کسی عزیز نے اپنی بلی گم ہونے کی اطلاع دی اور ساتھ ہی مطلع کیا تھا انہیں کہیں دکھے تو فوری طور پر رابطہ کریں۔
صوفی جانسن نامی خاتون کی بلی 20 اکتوبر سے لاپتہ ہے، جانسن نے سماجی رابطے کی ویب سائٹ فیس بک پر پوسٹ بھی کی تھی کہ میری ایک سالہ ’ریگ ڈول‘ لاپتہ ہے جسے ملے فوری مطلع کرے۔
مذکورہ جوڑے کو وہ لاپتہ بلی دکھی انہوں نے فوری طور پر جانسن کو تصویر کے ساتھ میسج کرکے بتایا کہ ہمیں بلی مل گئی ہے، بدقسمتی وہ بلی اس کی نہیں تھی۔
اس سے قبل جوڑا کار کی اگلی سیٹ پر بیٹھی بلی اٹھاتا اتنے میں پڑوسی آگیا اور اس نے بتایا یہ بلی وہ نہیں ہے جو آپ سمجھ رہے ہیں یہ گزشتہ ایک سال سے یہیں رہتی ہے۔
بات یہاں نہیں رکی، بلی کے مالکن نے فیس بک گروپ پر جوڑے کو شدید تنقید کا نشانہ بنایا اور الزام عائد کیا کہ وہ ہماری بلی چوری کرنا چاہتے تھے، یہ سن کر صوفی جانسن بہت مایوس ہوئی البتہ جوڑے نے تلاش جاری رکھنے کے عزم کا اظہار کیا۔

جواب لکھیں