...................... .................

مقبوضہ کشمیر میں بھارتی فوجی ہیلی کاپٹر گر کر تباہ

مقبوضہ کشمیر میں بھارتی فوجی ہیلی کاپٹر گر کر تباہ ہوگیا ، جس کے نتیجے میں ناردرن کمانڈ کے لیفٹیننٹ جنرل رنبیرسنگھ سمیت سات بھارتی فوجی زخمی ہوئے۔
تفصیلات کے مطابق مقبوضہ کشمیر کے علاقے پونچھ میں بھارتی فوجی ہیلی کاپٹرکے تباہ ہونے پربھارتی میڈیا کے متضاد دعوے سامنے آرہے ہیں ، پہلے بھارتی میڈیا نے ہیلی کاپٹر کریشن ہونے کی خبر دی پھر بعد میں کہا ہیلی کاپٹر نے کریش لینڈنگ کی۔
بھارتی میڈیا کے مطابق واقعہ میں ناردرن کمانڈ کے لیفٹیننٹ جنرل رنبیرسنگھ سمیت سات بھارتی فوجی زخمی ہوئے۔
یاد رہے رواں سال بھارتی ہیلی کاپٹرز کے علاوہ فضائیہ کے مجموعی طور پر 10 جنگی طیارے تباہ ہوچکے ہیں، جن میں چار فنی خرابیوں کے باعث، دو آپس میں ہی ٹکرانے سے تباہ ہوئے جبکہ دو پاکستانی فضائیہ نے مار گرائے تھے۔
یکم فروری 2019 کو بھارتی طیارہ میراج فنی خرابی کے باعث زمین بوس ہوگیا جب کے کچھ روز بعد 12 فروری کو بھارت کا مگ 27 تکنیکی خرابی سے گر کر تباہ ہوا۔ 19 فروری کو سوریا کرن طیارے‘ ایرو انڈیا شو 2019 کی بنگلور میں ریہرسل کررہے تھے کہ اس دوران آپس میں ہوا میں ہی ٹکرا گئے اور ہوائی اڈے پر گر کر تباہ ہوگئے تھے۔
پاکستان نے سرحدی خلاف ورزی پر 27 فروری کو بھارت کے جنگی طیارے مگ 21 اور ایس کیو 30 کو مار گرایا تھا جبکہ 8مارچ بھارتی فضائیہ کا مگ 21 طیارہ راجھستان میں گر کر تباہ ہوگیا تھا۔
بعد ازاں 25 ستمبر کو بھارت کی فضائیہ کا سالخوردہ مگ 21 جنگی طیارہ گوالیار کے قریب گر کر تباہ ہو گیا جبکہ 27 ستمبر کو بھی بھارتی فوج کا ہیلی کاپٹر بھوٹان میں گر کر تباہ ہوگیا تھا ، جس کے نتیجے میں 2 پائلٹ ہلاک ہوگئےتھے۔

جواب لکھیں

%d bloggers like this: